المقادير:
من ثلاث الى أربع صدور دجاج مسحب ومخلي من العظم .
أرز حسب عدد الافراد
بيالتين شاي زيت
كميات متساويه من الخضروات التاليه:
جزر( استخدمت جزره كبيره تقريبا 160 جرام)
فلفل رومي ( حبه متوسطه)
بصل ( حبه كبيره)
ملفوف 200 جرام تقريبا
فصين ثوم
قليل من بابريكا -فلفل اسود \ كزبرة بودر \
ثلاث ملاعق طعام صويا صوص
ثلاث ملاعق كاتشاب
ملح
خضروات مفرزنه ( ايضا مايقارب الكأس)
ماء لسلق الأرز
بيض مقلي
بصل اخضر
الطريقه:
نقوم بتقطيع الدجاج لقطع صغيره لك مطلق الحريه تصلحينها مكعبات او شرحات .
نقطع الخضروات ونضع خضروات المثلجة وجرز في قدر فيه ماء
بعد مايلين الخضروات ،نصفي ونضع جانبا
نبدأ بطهي المكونات :
في قدر نضيف الزيت ونحطه عالنار لين يسخن ، ثم نضيف الدجاج
ونرش عليه فلفل أسود عشان يشيل ريحة الزفره ونقلب على نار عاليه نسبياً
أول مايبدأ يصير لونه مبيض شوي نضيف البصل المقطع شرحات
مجرد ماتقلبين البصل دقيقتين أضيفي الفلفل الرومي ، قلبيهم لدقيقتين ثم اضيفي الملفوف وثم الخضروات
قلبي لين تحسين ان البازلاء وباقي الخضار نضجت .
ندق فصين الثوم واضافة قليل من الزنجبيل الطازج .
نقلب لمدة دقيقتين اخرى
نضيف الصويا صوص وكاتشب والبهارات
ونقلب ثم نضيف قليل من الملح إذا حسينا ان الخضار تحتاج ، انتبهوا لان الصويا مالحه يعني اضيفي الملح بعد اضافة الصويا
اضيفي الرز بعد تصفيته من الماء ونضيف بيض مقلي وبصل اخضر
نهدي النار على القدر عالأخير ويفضل لو تحطين حديده بين القدر والنار عشان لايحترق عليك الاكل بقاع القدر
>la6oof kitchen ...)~ 